From:- Sikandar Khan

Doob Rahi Hain Saansain Magar Ye Gumaan Baqi Hai,
Aany Ka Kisi Shaks K Abhi imkaan Baqi Hai..!

Muddat Hui Aik Shaks Ko Bichhry Huy Lekin,
Aaj Tak Mere Dil Pe Aik Nishaan Baqi Hai..!

Wo Saaiban Chhin Geya To Koi Gham Nahi,
Abhi To Mere Sir Pe Ye Aasman Baqi Hai..!

Kashti Zara Kinary K Qareeb He Rakhna,
Bikhri Hui Lehron Mein Abhi Tofaan Baqi Hain..!

Tumhary He Ashkon Ne Lab Si Diye Warna,
Abhi To Mere Dukhon Ki Dastaan Baqi Hai !