Tujhe Dil Ki Dharkan

From:- Saba Sagar

Baharoon ki manzel bata dene wale,
Tujhe dil ki dharkan sada de rahi hay..!

Tujhi se khili hain umangoon ki kaliyan,
Saji hain tujhi se tasawar ki galiyan..
Mohabbat ki raheen dekha dene wale,
Tujhe dil ki dharkan sada de rahi hay..!

Badan shakh gul ki tara dolta hay,
Papiha se dil main koy bolta hay..
Kali ko gulistan bana dene wale,
Tujhe dil ki dharkan sada de rahi hay..!

Nigahoon main ranginiyaan chaa rahi hain,
Khayaloon main tabdiliyan aa rahi hain..
Nai ek duniya dekha dene wale,
Tujhe dil ki dharkan sada de rahi hay !!

Author: ShineMagic

Leave a Reply