From:- Meri Pasand, India

Woh dil bekaar hai jis mein nahin ulfat muhammed ki,
Woh shey kis kaam ki jo ho nahin hazrat muhammed ki…!

Tumhara naamaey aamaal isyaan kaun poochey ga,
Gunahgaroon jo chhai hashr mein rehmat muhammed ki…! …! …! !

Khuda wandey do aalam khud bana ker hogaya pyara,
Kahoon kya keisi noorani hai woh soorat muhammed ki…!

Gadayaan-e-zamana jhholiyaan bhher bhher key latey hain,
Kisi ko phherna khali nahin aadat muhammed ki…! …!

Woh rab-ul-aalameen hai rehmat-al-lilaalameen hain yeh,
Sifat hai woh khuda ki yeh sifat hazrat muhammed ki…!

Terey seeney pey munker keisey us dam saanp lotein gey,
Dikhhai jaey gi mehsher mein jab shokat muhammed ki…!

Humehsa deen aur duniya mein be izzat rahey ga woh,
Nahin hai jis key dil mein izzat-o-hurmat muhammed ki…!

Aqeeda hai yehi dil sey tamami ehl-e-eeman ka,
Khuda sey kam ziyada sab sey hai azmat muhammed ki…!

Fida hain ambiya us aaftab-e-husn per qasim,
Ye khuahish kertey aaey hain key hoon ummet muhammed ki…!