From:- Sikandar Khan

Ek Masoom Takaddus Mein Bhigoya Huwa Lams,
Kitna Pakiza Hai Ehsaas Mein Dhoya Huwa Lams..!

Ye Tere Jism Ki Khushbu Ka Sonehra Ehsaas,
Jis Tarha Chand K Haaly Mein Paroya Huwa Lams..!

Us K Honton Ko Main Chhu Loon To Gumaan Hota Hai,
Jese Jannat K Gulabon Mein Daboya Huwa Lams..!

Jo Meri Rooh Mein Utre Hi Chale Jaate Ho,
Ik Nay Rang Mein Ubhry Ga Ye Boya Huwa Lams..!

Bheegi Khusbu Mein Basa” Wasal Mein Bheega Bheega,
Kitna Masoom Hai Pehlu Mein Ye Soya Huwa Lams..!

Tishnagi Aan Basi Hai Meri Poron Mien WASI,
Dhoondta Phirta Hoon MUDDAT Se Main Khoya Huwa Lams !