From:- Sikandar Khan

Mujhe Yaad Koi Dua Nahin Mere Humsafar Abhi Soch Le,
Tu Meri Jabeen Pe Likha Nahin Mere Humsafar Abhi Soch Le..!

Abhi Rasta Bhi Hai Dhool Mein” Abhi Faiyda Bhi Hai Bhool Mein,
Abhi Mujhe Tujh Se Gila Nahin Mere Humsafar Abhi Soch Le..!

Main Janam Janam Se Naraz Hoon” Main Janam Janam Se Udaas Hoon,
Main Kabhi Bhi Khul K Hansa Nahin” Mere Humsafar Abhi Soch Le..!

Tu Hai Khuwab Khuwab Pukarta” Meri Ankh Mein Nahin Ashk Bhi,
Main Muddaton Se Jia Nahin Mere Humsafar Abhi Soch Le..!

Tujhe Khushbuon ki Hai Aarzu” Tujhe Roshni Ki Hai Justju,
Main Hawa Nahin” Diya Nahin” Mere Humsafar Abhi Soch Le..!

Tujhe Ansuon Ka Pata Nahin” Tujhe Rat’jagon Ka Guman Nahin,
Tujhe Es Se Agay Pata Nahin Mare Humsafar Abhi Soch Le..!

Mujhe Doondta He Phiry Ga Tu” Na Jeey Ga” Roz Mary Ga Tu,
Main Kabhi Bhi Ghar Pe Mila Nahi Mare Humsafar Abhi Soch Le..!

Kaho Lautna Hai kisy” Yahan Mere Dard Sun Mere Meharban,
Mare Pass Waqat Zara Nahi Mere Humsafar Abhi Soch Le !