Umedoon k phool khile hain
Aas ki kaliyan chatki hain
Barsoon baad use dekha toh
Aankheen kis ne jhapki hain
Us ne apne khat main muj ko
Kitne dard se likha hai
Ab toh gaoun aya karna
Ab toh sarkeen paki hain
Jane kis ko kahan mile they
Koun kahan par bichra tha
Ham ne asi sari yadeen
Nisaan taak par rakhi hain
Kache dhagon ka bandhan ho
Ya zanjereen sone ki
Dil jazboon se khali hoon
Toh sab tatbereen kachi hain
Talkhiyaan bantney walon ko bhi
Ham se naheen shikwa “Asim ”
Kasi kasi zehreen ham ne
Amrat jaan k chakhi hain..
From : Saba Sagar