Hindi Dard Bhari Shayari

Badanaam mere pyaar kaa afsana hua hai,
Deewane bhi kahte hain ki deewana hua hai…

Rishta tha tabhi tou kisi be-dard ne todaa,
Apnaa tha tabhi tou koi be-gaanaa hua hai…

Baadal ki tarah aake baras jaaiye ik din,
Dil aap ke hote huye viraana hua hai…

Bajte hain Khayaalon mein teri yaad ke ghunghroo,
Kuch din se mera ghar bhi pari-Khaanaa hua hai…

Mausam ne banaya hai nigaahon ko sharaabi,
Jis phool ko dekhun wahi paimana hua hai…!
From:- Ashiqe Dewana

Author: ShineMagic

Leave a Reply