Tera Chehra

Kabhi Aansoo Kabhi Khushboo Kabhi Naghma Ban kar,
Hum Se Her shaam Mili Hai Tera Chehra Ban kar…

Chand Nikla Hai Teri Ankh K Ansoo Ki Tarah,
Phool Mehkay Hain Teri Zulf Ka Saya Ban kar…

Meri Jaagi Hui Raaton Ko Usi Ki Hai Talash,
So Raha Hai Meri Ankhon Main Jo Sapna Ban kar…

Dil Kay Kaghaz Par Utarta Hai To Sheron Ki Tarah,
Meray Honton Pey Machalta Hai Tu Naghma Ban kar…

Raat Bhi aaye To Bujhti Nahi Chehre Ki Chamak,
Rooh Mein Phail Gaya Hai Wo Ujala Ban kar…

Mera Kiya Haal Hai Tere Bina Kabhi dekh To Le,
Jee Raha Hoon Tera Bhoola Hua Vaada Ban kar…

Dhoop Mein Kho Gaya Wo Hath Chura Kar
Ghar Se Jo Saath Chala Tha Mera Saya Ban kar…

Kabhi Aanso Kabhi Khushboo Kabhi Nagma Ban kar,
Hum Say Har Shaam Mili Hai Tera Chehra Ban kar…

Author: ShineMagic

1 thought on “Tera Chehra

  1. NIce collection on this site.Aaj To Hum Maut Ki Dua Kar Ke Roye HainDobara Aaj Khuda Se Gila Kar Ke Roye HainKyon Na Likh Saka Tu Us Ko Taqdeer Mein MeriYeh Aik Khayal Soch Kar Phir Hum Roye Hain.

Leave a Reply

Your email address will not be published.