Sard Mausam Udaas Hota Hai

From:- Mr Virgo

Sard Raton Ka Ho Chuka Aghaaz,
Soona Soona Udaas Aangan Hai..!

Tez Jhonka Hawa Ka Aaya Hai,
Mere Mann Mein Ajeeb Uljhan Hai..!

Sehar, Sadkein, Drakhat Aur Galyan,
Aagaye Dhund Ki Panahon Mein..!

Raston Ke Nishaan Nahi Milte,
Dhund Utar Aaye Hai Rahon Mein..!

Kitne Veeran Hain Dro-Deevar,
Qeher Aalud Ye Fizayien Hain…!

Khali Khali Udaas Raste Hain,
Kitni Yakhbasta Ye Hawaein Hain..!

Mere Kamray Ki Aik Khidi Se,
Chandni Aa Rahi Hai Chhan Chhan Ke..

Pass Reh Kar Bhi Tum Se Door Rahe,
Dermian Fasle Rahe Mann Ke…

Phir Likha Geet Meine Tere Liye,
Soye Jazbon Ne Li Hai Angraee..

Tod Daleingi Phir Baddan Mera,
Karvatein, Raat Aur Tanhai..

Surmaee Shaam Ke Andheron Mein,
Aahoton Par Qyaas Hota Hai..

Dooriyan Bhi Hain Aur Vaisay Bhi,
Sard Mausam Udaas Hota Hai…!!!!

Author: ShineMagic

Leave a Reply

Your email address will not be published.