From:- Saba Sagar

Kat hi gaee judai bhi
Kab yeh huwa k mar gae..!

Tere bhi din guzar gae,
Mere bhi din guzar gae..

Tu bhi kuch aur aur hai,
Ham bhi kuch aur aur hain..!

Jane woh tu kidhar gaya,
Jane woh ham kidhar gaye..

Waqt hi kuch judaee ka,
Itna taweel ho gaya..!

Dil main tere visaal k,
Jitne the zakhm bhar gae..

Woh bhi gubaar khaak tha,
Ham bhi gubaar khaak the..!

Woh bhi kaheen bikhar gaya,
Ham bhi kaheen bikhar gaee !!