Kabhi tere aangan mein ghum ki shaam na hone denge
Ae maa tere aanchal ko hum neelaam na hone denge
Bharat maa tere aanchal ko neelaam na hone denge

Teri shaan ki khaatir ab hum
Saanson se bhi rista todenge
Teri aan ki khaatir hum ae maa
Katra katra lahoo ka nichodenge
Tere betey tere daamann ko badnaam na hone denge.
Bharat maa tere aanchal ko neelaam na hone denge

Jo haath uthega ab tujh par
Wo humse takra ke jaayega
Napaak nigaahon se apni koi
Tera daaman na choo paayega.
Phir se teri gairat ko hum ghulaam na hone denge.
From:- Sandeep Tyagi