Tu kisi aur kii jaagiir hai ai jaan-e-Gazal,
Log tufaan uthaa denge mere saath na chal..!

Pehle haq thaa terii chaahat ke chaman par meraa,
Pehle haq thaa terii Khushbuu-e-badan par meraa..
Ab meraa pyaar tere pyaar kaa haq_daar nahii.
Main tere gesuu-o-rukhsaar kaa haq_daar nahii.
Ab kisii aur ke shaanon pe hai teraa aanchal..!

Main tere pyaar se ghar apanaa basaun kaise,
Main terii maang sitaaron se sajaauun kaise
Merii qismat mein nahin pyaar kii Khushbuu shaayad
Mere haathon kii lakiiron mein nahiin tuu shaayad
Apanii taqdiir banaa meraa muqaddar na badal

Mujh se kehtii hain ye Khaamosh nigaahein terii
Merii paravaaz se uunchii hain panaahen terii
Aur Gairat-e-ehasaas pe sharmindaa huun
Ab kisii aur kii baahon mein hain baahen terii
Ab kahaan meraa Thikaanaa hai kahaan teraa mehal..!!!
From:- Samad