Mujh mein jo kuch achchha hai sab uska hai,
Mera jitna bhi charcha hai sab uska hai…!

Uska mera rishta bada puraana hai,
Maine jo kuch socha hai sab uska hai…!

Meri aankhen uske noor se roshan hai,
Maine jo kuch dekha hai sab uska hai…!

Maine jo kuch khoya tha sab uska tha,
Maine jo kuch paaya hai sab uska hai…!

Jitnee baar main toota hoon wo toota tha,
Idhar udhar jo bikhra hai sab uska hai…!..!!