Zakham

From:- Sikandar Khan

Rahon Pe Nazar Rakhna” Honton Pe Dua Rakhna,
Aa Jaye Koi Shayed” Darwaza Khula Rakhna..!

Ehsaas Ki Shamma Ko Es Tarha Jala Rakhna,
Apni Bhi Khabar Rakhna” Us Ka Bhi Pata Rakhna..!

Raton Ko Bhatakny Ki Deta Hai Saza Mujh Ko,
Dushwaar Hai Pehlu Mein Dil Tere Bina Rakhna..!

Logon Ki Nigahon Ko Parr Leny Ki Aadat Hai,
Halaat Ki Tahreerain Chehry Se Bachaa Rakhna..!

Bhoolon Mein Agar” Ay Dil Tu Yaad Dila Dena,
Tanhai K Lamhon Ka Har ZAKHAM Hara Rakhna..!

Ik Bhoondh Bhi Ashkon Ki Daman Na Bigo Payi,
Gham Us ki Amanat Hai Palkon Pe Saja Rakhna..!

Es Tarah QATEEL Us Se Bartao Rahy Apna,
Wo Bhi Na Bura Maany” Dil Ka Bhi Kaha Rakhna !

Author: ShineMagic

Leave a Reply

Your email address will not be published.