From:- Sikandar Khan

Kiun na phir se usy milny ka irada kar loon,
Zakham ye sadiyon purana taro-taza ker loon…!

Phir se keh doon usy keh tum meri Aqeedat ho,
Phir se guzri muhabbaton ka eyada ker loon…!

Sonp doon ab ye apni Shokh Tabiyat us ko,
Sochta hoon ke khud ko is qadar Saada ker loon…!

Ya usy pa ke bhula doon main dard-o-gham apny,
Ya us k Hijr ka gham aor b ziyada ker loon…!

Wo to her Qasam “SAGAR” hans k torr jaata hai,
Phir naya kis tarah us se koi wada ker loon !!