From:- Sikandar Khan

Suna Ho Ga Bohat Tum ne
Kahin Aankhon Ki Rim Jhim Ka
Kahin Palkon Ki Shabnam Ka ,

Parha Ho Ga Bohat Tum Ne
Kahin Lehje Ki Barish Ka
Kahin Sagar K Aansuon Ka ,

Magar Tum Ne Kabhi Humdam
Kahin Daikhy ? Kahin Parkhy
Kisi Tahreer K Aansu ?

Mujhe Teri Judaie Ne
Yahi Mairaaj Bakhshi Hai
Keh ” Main Jo Lafz Likhta Hoon !

Woh Sary Lafz Roty Hain
Keh ” Main Jo Harf Bunta Hoon
Woh Sary Bain Karty Hain ,

Mere Sang Es Judae Main
Mere Alfaz Marty Hain
Sabhi Tareef Karty Hain
Meri Tahreer Ki Lekin ,

Kabhi Koi Nahin Sunta
Mere Alfaz Ki Siskiyan
Falak Bhi Jo Hila Daaly
Mere Lafzon Main Hain Shamil
Usi Taseer K Aansu !

Kabhi Daikho Mere Humdam
Meri Tahreer K Aansu !