Sad Shayari In Urdu

Mai’n kyon na tarak-e-taluq ke ibtadaa karta
Wo door dais ka baasi tha kaya wafa karta..!

Wo mairay zabat ka andaaza kernay aaya tha,
Mai’n hans kay zakham na kahtaa tau aur kaya karta..!

Hazaar aaina khaano mai’n bhi paa na sakka,
Wo aaina jo mujhe khud se aashanaa karta..!

Dar-e-qafass pay qayamat ka habass tha warna,
Saba se zikar tera mai’n bhi sunn leya karta..!

Meri zamee’n tu agar mujh ko raas aa jati,
Mai’n rifato’n mai’n tujhay aasama’n sa karta..!

Gham-e-jaha’n ke mohabbat lubhaa rahi thi mujhe,
Mai’n kiss tarah teri chahat pay aasraa karta..!

Agar zubaan na kat’te tau shahar mai’n Mohsin,
Mai’n pathro’n ko bhi ek roz hamnawaa karta..!
From:- Saba Sagar

Author: ShineMagic

Leave a Reply

Your email address will not be published.