From:- Sikandar Khan

Us Ne Kaha Keh Hum Bhi Kharidaar Ho Gaye,
Bikne Ko Sare Log Hi Tiyar Ho Gaye..!

Us Ne Kaha Keh Aik Vafadaar Chahiye,
Sare Jahan K Log Vafadaar Ho Gaye..!

Us Ne Kaha Keh Koi Gunah-Gaar Hai Yahan,
Jo Paarsa The Vo Bhi Gunah-Gaar Ho Gaye..!

Us Ne Kaha Keh Aajiz-o-Miskin Hai Koi,
Sab Log Gard-e-Kucha-o-Bazar Ho Gaye..!

Us Ne Kaha Keh Kaash Koi Jangju Mile,
Apas Mein Yaar Barsar-e-Pekaar Ho Gaye..!

Us Ne Kaha “ADEEM” Mera Haath Thamna,
Charon Taraf Se Hath Namudaar Ho Gaye !