Gham-E-Judai

From:- Sikandar Khan

De Kar Ghum-e-Judai Woh Jane Kidher Geya,
Barpa Qiyamatein Jo Mere Dil Pe Kar Geya..!

Jate Hue Woh Le Ke Dua Ka Aser Geya,
Mujh Ko Ghum-e-Hayat Se Begana Kar Geya..!

Dekha Jo Sooye Taj Mehal” Dil Ne Ye Kaha,
Fun To Raha Hai Zinda” Keh Funkaar Mar Geya..!

Kya Yaad Kar Sake Ga Yahan Par Mujhe Koi,
Sheraaza Meri Hasti Ka Jis Din Bikhar Geya..!

Phir Aj Usi Ko Dhoondti Hai Ye Nigaah-e-Shoq,
Dekhe Jise Ae Sanam” Zamana Guzer Geya !

Author: ShineMagic

Leave a Reply

Your email address will not be published.