Door Jab Tumse Chala Jaaunga

Tum bulaogi main naa aaunga,
Door jab tumse chala jaaunga….!

Reh jayenge kaanpte surkh lab,
Laali gaalon ki jo mita jaunga….!

Bitaye the jo pal sath mohabbat ke,
Bewafa, kya unhe bhula paunga….!

Main mujrim hun, ishq ka yaaron,
Maut se badtar, koi saza paunga….!

Honge paimane alag mehfilon ke,
Gham jaamon mai, duba jaunga…..!

Dil door kahin Chain-O-Sukoon se,
Phir kahan gul koi khila paunga….!

Tha ristha kal, aaj dhool kismet,
Maut sa mohbbat ka, sila paunga…..!

Meri kismet me kahan ‘Saccha Pyar’,
Keh ke daastan tumhe rula jaunga…..!

Jidher dekhoge saaya mera hoga,
Raakh aisi hawa mai, mila jaunga….!

SACH…!

Aansu ban ankhon mai aaunga,
Door jab tumse chala jaaunga….!

Author: ShineMagic

Leave a Reply

Your email address will not be published. Required fields are marked *

*