Mere Sath Tum Bhi Duwa Karo

Mere sath tum bhi duwa karo youn kisi ke haq me bura na ho,
kahin aur ho na yeh hadsa koi raastey main juda na ho..!

Mere ghar se raat ki sej tak woh ek aanso ki lakeer hai,
zara parh ke chaand se poochna woh issi taraf say gaya na ho..!

Sar-E-Shaam thahri houi zameen, aasmaan hai jhuka howa,
issi moor par merey waastay woh chirag lay kar khada na ho..!

Woh farishtay aap hi dhoondiye kahaniyon ki kitaab main,
jo bura kahe na bura sune, koi shaksh un se khafa na ho..!

Woh subah ho ya shaam ho, palkon me hi bithaunga ek din,
woh gulab ban ke khilega kya, jo chirag ban ke jala na ho..!

Mujhe youn laga ke khamoosh khushbu ke hoonth titlee ne choo liye,
in hi zard pattoon ki orh me, koi phool sooyaa houa na ho..!

Issi ehatiyaat me main raha, issi ehatiyaat main woh rahi,
woh kahaan-kahaan mere sath hai, kisi aur ko yeh pata na ho….!!!!

Author: ShineMagic

Leave a Reply