Shaam

From:- Sikandar Khan

Shaam K Surmaie Andheron Mein
Yoon Mere Dil K Daag Jalty Hain
Jese Parbat K Sabz Pairron Par
Barf K Baad Dhoop Parti Hai
Jese Sehra Ki Rait Urr Urr Kar
Ajnabi Ka Tawaaf Karti Hai,

Aanhain Bharta Hoon” Ashq Peeta Hoon
Roz Marta Hoon Phir Bhi Jeeta Hoon
Teri Yaadon Ki Tishnagi Ab To
Yoon Mere Dil Ko Chhu Jaati Hai
Jese Ek Taza Qabar Par Koi Bewah
Marny Waly Ka Naam Leti Hai,

Door Reh Kar Bhi Jo Dil Mein Rehta Hai
Wo Sitamgar Bhi Ghair Kehta Hai
Kiti Masoom Aarzuon Ko
Dunia Waly Torr Jaty Hein
Jese Dam Torrty Musafir ko
Qafily Waly Chhorr Jaty Hein !

Author: ShineMagic

Leave a Reply

Your email address will not be published.