Sadma

From:- Rashmi Chand
Ghazal By:- Qteel Shifaai

Sadma to hai mujhe bhi ki tujhse juda hoon main,
Lekin ye sochata hoon ki ab tera kya hoon main..!

Bikhara para hai tere hi ghar main tera vajood,
Bekaar mahafilon main tujhe dhoondhta hoon main..!

Main khudkushi ke jurm ka karta hoon aitaraaf,
Apne badan ki qabr main kabse garaa hoon main..!

Kis-kis ka naam loon zubaan par ke tere saath,
Har roz ek shakhs naya dekhta hoon main..!

Naa jaane kis adaa se liya tuune mera naam,
Dunya samajh rahi hai ke sab kuch tera hoon main..!

Le meray tajarboon se sabak ae meray raqeeb,
Do chaar saal umr main tujhse bara hoon main..!

Jaaga hua zamir vo aaina hai “qateel”,
Sone se pehle roz jise dekhta hoon main..!!

Author: ShineMagic

Leave a Reply

Your email address will not be published.