Muqaddar Aaray Aa Gaya Na

From:- Meri Pasand, India

Muqaddar phir say aaRay aa gaya na,
Gulab es baar bhi murjha gaya na…!

Kaha bhi tha ke palkain moondna mat,
Kisi ka khawb phir chounka gaya na…!

Bhula baythay thay jis ko tum achanak,
Phir aglay mour par takra gaya na…!

Mayree haalat pay tum hayrat zada thay,
Tumhain bhi dasht aakhir bha gaya na…!

Zara bhi paon main larzish naheen hay,
Hamain kantoon pay chalna aa gaya na…!

Ousay jatay hoay daykha hi keon tha,
Woh manzar aank main pathra gaya na…!

Wohi milna, bicharna, toot jana,
Kahani waqt phir dohra gaya na…!

Muhabbat es jahan ki shaay naheen hay,
Samajh main ab tumharee aa gaya na…!

Kaha tha hijar palkoon say na choonanna,
Amawas aankh main tehraa gaya na…!!

If you like this shayari, Please like and share on Facebook

 
   

Please Like MailShayari on Facebook

Mail Shayari on Facebook

Leave a Reply