Yadain Hain Apnay Shehar Ki

From:- Sikandar Khan

YADAIN hain apnay shehar ki ahl-e-safar k sath,
Sehra mein log aaye hain deewar-o-dar k sath…!

Manzar ko dekh ker pas-e-manzar b dekhiye,
Basti nayie basi hai purany khandar k sath…!

Saaye mein jaan parr gaie dekha jo ghaur se,
Makhsoos ye kamal hai ahl-e-nazar k sath…!

Ek yaad hai ke daman-e-dil chorrti he nahi,
Ek bail hai k lipti hui hai shajar k sath…!

Es marhalay ko maut b kehtay hian dosto,
Ek pal mein toot jayen jahan, umer bhar k sath…!

Meri tarha ye subha b fankaar hai Shakeeb,
Likhti hai aasman pe Gazal aab-e-zar k sath !!

Author: ShineMagic

Leave a Reply

Your email address will not be published.