Tumhari Yaad Ka Mosam

From:- Jaan Butt

Koi Mausum Ho Dil Mein Hay Tumhari Yaad ka Mausum..!!
Keh Badla Hi Nahe Janan, Tumharay Baad Ka Mausum..!!

Nahe To Aazma Kar Dekh Lo,Kaisay Badalta Hay..!!
Tumharay Muskaraney Say Dil-e-Nashad Ka Mausum..!!

Sad’a Teeshay Say Jo Nikli, Dil-e-Shere’ n Say U’thi Thi..!!
Chaman Khusro Ka Tha Laikin, Raha Farhaad Ka Mausum..!!

Parindon Ki Zubaan Badli,Kahein Say Dhond Lay Tu Bhi..!!
Naye Tarz-e-Fa’an Aye Dil Keh Hay Ejaad Ka Mausum..!!

Rutoon Ka Qaida Hay , Waqt per Yeah Ati jati Hein..!!
Hamaray Shaher Mein Kyun Ruk Gaye Faryaad ka Mausum..!!

Kahein Say Us Haseen Awaz Ki Khushboo Pukarey Ghi..!!
Toa Iskay Saath Badlay Gha Dil-e-Barbaad ka Mausum..!!

Qafas Kay Baam-o-Dar mein Roshni say Ayee Jati hay..!!
Chaman Mein Aa’gaya Shayid Labb-e-Azaad ka Mausum..!!

Meray Shaher-e-Pareshan Mein, Teri Be-chaand Ratoon Mein..!!
Buhat Hi Yaad Karta Hoon Teri Bunyaad ka Mausum..!!

Na Koi Ghum Khizaan Ka Hay, Na Khuwaish Hay Baharoon Ki..!!
Hamaray Saath Hay “Amjad” Kisi Ki Yaad Ka Mausum..!!

Author: ShineMagic

1 thought on “Tumhari Yaad Ka Mosam

Leave a Reply

Your email address will not be published.