Ay Naye Saal Bata Tujh Mein Nya Kya Hai?
Har Taraf Khalq Ne Kyo Shor Macha Rakha Hai..

Roshni Din Ki Wohi Taron Bhari Raat Wohi,
Aaj Hum Ko Nazar Aati Hai Har Baat Wohi..

Na Aasman Badla Hai, Na Badli Hai Zameen,
Ek Hindsay Ka Badalna Koi Jiddat To Nahi..

Agle Barson Ki Tarah Hongay Qareenay Tere,
Kise Maloom Nahi Baarah Mahine Tere..

January, February Or March Mein Paray Sardi,
Or April, May, June Mei Hogi Garmi..

Tera Mun Dehar Mein Kuch Khoye Ga Kuch Paye Ga,
Apni Miyad Basar Karkay Chala Jaye Ga..

Tu Naya Hai To Dikha Subah Nayi, Shaam Nayi,
Warna In Aankhon Ne Dekhe Hain Naye Saal Kai..

Be-Sabab Daitay Hain Kyo Log Mubarakbadein,
Ghaliban Bhool Gaye Waqt Ki Karwi Yaadain..

Teri Aamad Se Ghati Umar Jahan Mei Sab Ki,
Likhi Hai Yeh Nazam Nirale Dhab Ki..