Udaas Mat Hona

From:- Sikandar Khan

Rat-Jagon K Sehra Mein Khuwab Jab Ujar Jaien Tum Udaas Mat Hona,
Zindgi K Maily Mein Hum Agar Bichar Jaien Tum Udaas Mat Hona..!

Jin Pe Naam Likhy Hoon Un Ujaar Shakhon Par Kab Bahaar Aati Hai,
Aarzu Ki Tehni Se Jab Gulaab Jhar Jaien Tum Udaas Mat Hona..!

Jaan Kya Zaroori Hai Dasht-E-Naarsaie Mein Ek Dua Bhi Poori Ho,
Hum Agar Rawajon Ki Sooliyon Pe Charr Jaien Tum Udaas Mat Hona..!

Waqat Ek Drinda Hai Aor Hum Sabhi Es Ki Dehshaton Ki Zadd Mein Hain,
Jab Yeh Be-Sakoon Lamhy Apni Zid Pe Arr Jaien Tum Udaas Mat Hona..!

Jabar Ki Fizaon Mein Muskura K Jee Lena Yeh Bhi Ek Ibadat Hai,
Chahy Karb K Saaye Mere Qad Se Barr Jaien Tum Udaas Mat Hona..!

Kuchh Bhi Ho Magar Apny Dilnasheen Tabasum Se Zabt Ka Bharam Rakhna,
Chahy Hum Bichar Jaien” Chahy Hum Ujar Jaien Tum Udaas Mat Hona..!

Author: ShineMagic

Leave a Reply

Your email address will not be published.