Tu Salamat Rahe

Written By:- Abu Arba

Tu Salamat Rahe Duniyan Se Sarokaar Nahin,
Tu Hi Aaqa Meri Mera Koi Sarkaar Nahin..!

Teri Banhaon Ka Sahara Mile Jo Gam-Ba-Gam,
To Mujhe Koi Bhi Ranginiyan Darkaar Nahin..!

Gar Teri Zulf Ke Saey May Meri Umr Katey,
To Main Samjhonga Ke Jiwan Mera Bekaar Nahin..!

Dil Ye Bechain Sa Raheta Hai Nigahen Haeran,
Koi Bhi Lamha Nahi Jab Main Bekharaar Nahin..!

Dil Ki Sachai Khasam Kha Ke Tujhse Kaheta Hoon,
Ek Siwa Tere Kisi Se Bhi Mujhe Pyar Nahin !!

Author: ShineMagic

1 thought on “Tu Salamat Rahe

  1. Written by:Yaseen Shahi

    Kai badnamia’n hoti , kai ilzam sar jatey
    Magar ae kash ham dono’n hamee’n dono pe mar jatey

    Agar tum khab hotey to tumhe aankho’n mai rakkh letey
    Na goya neend se phir jagtey hatta k marr jatey

    Agar hum roshni hotey to phir ahsas ki lau se
    Zamee’n ko chhorh detey mill k dono’n chand par jatey

    Agar tum phool hotey to tumhari khushboo mein rehtey
    Samandar ki tarah hotey to ham tum mein utar jatey

    Hamarey khal-o-khadd kaise hain ye ab tak nahi dekha
    Agar tum aaina hotey to hamm kitney sanwar jatey

    Tumharay husn pe pehra hamaray ishq ka hota
    jwa’n rakhtay sada tum ko agar lamhay theher jatey

    Agar sooraj hi hotey to phir apni dhoop ki surat
    Wajood-e-yaar ki dharti pe SHAHI hum bikhar jatey.

Leave a Reply

Your email address will not be published.