Talluk

From:- Sikandar Khan

Mujhe Kitne He Barson Se Agarchy Janta Hai Who,
Yeh Kesa Zulm Hai Keh Ajnabi Gardaanta Hai Woh..!

Mere Hathon Ne Jis Ko Chand Jesa Roop Bakhsha Tha,
Mujhe Tareek Lamhon Mein Kahan Pehchanta Hai Woh..!

Magar Phir Bhi Usy Apna Banany K Ghumaan Mein Hoon,
Mujhe Maloom Hai Keh Kab Kisi Ki Maanta Hai Woh..!

Sahara Mangta Hai Sirf Tanhai K Lamhon Mein,
Muhabbat Ka TALLUK Kab Kisi Se Bandhta Hai Woh..!

Main Es Dunia K Har Ik Jabr Ko Phir Bhool Jata Hoon,
Jab Apny Qurb Se Mere Badan Ko Dhanpta Hai Woh..!

Mera Dil Chahta Hai Us Ko Seeny Se Laga Loon Main,
Riday-E-Gham Ko Jab Bhi Apni Rooh Pe Taanta Hai Woh..!

Mujhe Jab Dukh Milain To Kis Qadar Khushiyan Manata Hai,
Chalo Jana’n Kisi Tarah To Mujh Ko Maanta Hai Woh !

If you like this shayari, Please like and share on Facebook

 
   

Please Like MailShayari on Facebook

Mail Shayari on Facebook

Leave a Reply