Rang-E-Malaal Mat Puucho

From:- Ahsan Jawaid

Tum ahal-e-dil se wafaa ka maal mat puucho,
Sitam-zadon se tabiiyat kaa haal mat puucho..!

Jo sun sako to suno ! daastaan-e-ishq magar,
Sunaane wale se koii sawaal mat puucho..!

Sunii jo tum ne kahaanii wo dushmanon kii thii,
Jo doston ne chalii hai wo chaal mat puucho..!

Nikal parray ho safar per to simat koii bhii ho,
Her ajnabii se junoob-o-shumaal mat puucho..!

Mohabaton main chhupii uss kii nafraton ke beech,
Hayaat ho gaii kitnii muhaal mat puucho..!

Kabhii dobaara na milne kaa faisla ker ke,
Khulaa hai dil pe jo rang-e-malaal mat puucho. !!

Author: ShineMagic

Leave a Reply

Your email address will not be published.