Milne Pe Tere Hum Ko Shikayat Nahi Rahi

Written By:- Nafees Ahmed

Milne pe tere hum ko shikayat nahi rahi,
Haan tujh me baqi murawat nahi rahi…!

Dour E Tanzuli hai ki is daour mein miyaan,
Sach baat bolne ki bhi himmat nahi rahi…!

Doure nishaat mein the ahbaab hum rikaab,
Doure khizaa mein koi jamaat nahi rahi…!

Tere karam per ashk jo nikle hai zaar zaar,
Lutf o karam ki ab mujhe aadat nahi rahi…!

Sach ko kia hai qatal, kuch kam nahi hai ye,
Jhotoo se ab hume bhi adawat nahi rahi…!

Aate the jis ke dam per mahfil mein hum Nafees,
Wo lutf na raha wo inayaat nahi rahi…!.!!.!!!

Author: ShineMagic

Leave a Reply

Your email address will not be published.