Kabhi Aisa To Na Tha

From:- Wajdan Ali

Baat karanii mujhe mushkil kabhii aisii to na thii,
Jaisii ab hai terii mahafil kabhii aisii to na thii..!

Le gaya chhiin ke kaun aaj teraa sabr-o-qarar,
Beqaraarii tujhe aae dil kabhii aisii to na thii..!

Chashm-e-qaatil merii dushman thii hameshaa lekin,
Jaise ab ho gaii qaatil kabhii aisii to na thii..!

Un kii aankhon ne khudaa jaane kiya kya jaadu,
Ke tabiiyat merii maail kabhii aisii to na thii..!

Aks-e-rukh-e-yaar ne kis se hai tujhe chamakaayaa,
Taab tujh main maah-e-kaamil kabhii aisii to na thii..!

Kyaa sabab tu jo bigadata hai “Zafar” se har baar,
Khuu terii hoor-e-shamaail kabhii aisii to na thii..!!!

If you like this shayari, Please like and share on Facebook

 
   

Please Like MailShayari on Facebook

Mail Shayari on Facebook

Leave a Reply