Husn-E-Khiyal

From:- Sikandar Khan

Ay Khuda Ab To Usy Jhoomta Badal Kar De,
Yoon Woh Barsy Keh” Mere Piyar Ko Jall Thall Kar De..!

Mere Mehboob K Peron Ko Jo Chheenta Choomy,
Aisy Chheenty Ko Chhanakti Hui Payal Kar De..!

Kese Mumkin Hai Keh Main Hashr K Suraj Se Daron,
Mujh Pe Saya Jo Mere Yaar Ka Aanchal Kar De..!

Ay Mere Husn-E-Khiyal Us Ko Sajany K Liye,
Subha Ko Agosh Bana” Raat Ko Kajal Kar De..!

Aaj Phir Jheel Kinary Mujhe Tarpata Hai,
Kaash Es Chand Ko Pani Mein Koi Hal Kar De..!

Ay Muqadar Mujhy Tarsay Ga Aakhir Kab Tak ?
Ya Meri Baat Samajh” Ya Mujhy Pagal Kar De..!

Woh Mujhe Kar To Raha Hai Nazar Andaaz QATEEL,
Us Ko Bhi Waqat Zamanay Se Na Ojhal Kar De !

If you like this shayari, Please like and share on Facebook

 
   

Please Like MailShayari on Facebook

Mail Shayari on Facebook

Leave a Reply