From:- Sikandar Khan

Mujhe Jo Kuch Bhi Likhna Tha,
Abhi Main Likh Nahi Paaya..!
Meri Tahreer Ki Zadd Mein,
Abhi To Kuchh Nahi Aaya !

Abhi Wo Dard Likhna Hai,
Jo Ansu Khoon Ke Laa’y..!
Abhi Ruswai Likhni Hai,
Jo Humra Sang Bhi Laa’y !

Abhi Wo Neend Likhni Hai,
Jo Sooli Par Bhi Na Aae..!
Abhi Wo Shaam Likhni Hai,
Jise Koi Chura Laa’y..!

Abhi Wo Shokhi Likhni Hai,
Gulabi Gaal Kar Jaa’y..
Abhi Do Pal Bhi Likhny Hain,
Jo Tere Sang Thy Bitaa’y !

Abhi Wo Log Likhny Hain,
Jo Mujh Ko Kho K Pachtaay..
Abhi Wo Shakhs Likhna Hai,
Jo Mujh Ko Khoj K Laay..!

Mujhe Wo Sab He Likha Hai,
Jo Tum Se Keh Nahi Paa’y..
Mujhe Wo Sab Hi Likha Hai,
Jo Koi Seh Nahi Paa’y..!

Mmujhe Wo Sab Hi Likhna Hai,
Keh Teri Ankh Bhar Aa’y..
Batao Kya Likhain Phir HUMNASHEEN,
Jo Tere Mann Ko Bhaa Jaa’y..!

Chalo Kuchh Bhi Nahi Likhte,
Keh Tera Bharm Reh jaay !