Diivaanaa Banaa De

From:- Meri Pasand, India

Divaanaa banaanaa hai to diivaanaa banaa de,
Varnaa kahiin taqadiir tamaashaa naa banaa de…!

Ai dekhanevaalo mujhe hans hans ke na dekho,
Tum ko bhii mohabbat kahiin mujh-saa naa banaa de..!

Main dhuundh rahaa huun merii vo shammaa kahaan hai,
Jo bazm kii har chiiz ko paravaanaa banaa de..!

Aakhir koii suurat bhii to ho khaanaa-e-dil kii,
Kaabaa nahiin banataa hai to but_khaanaa banaa de..!

‘Behzad’ har ek gaam pe ik sajdaa-e-mastii,
Har zarre ko sang-e-dar-e-jaanaan naa banaa de…!!!

Author: ShineMagic

Leave a Reply

Your email address will not be published.