Bikherna Tootna

From:- Saba Sagar

Bikharna tootna bhi aor anaa ke saath bhi rehna,
Sitam eejaad bhi karna, wafa ke saath bhi rehna..!

Tera andaaz aisa hai andheron ki kahaani main,
Jalaana kuch diye bhi aur hawa ke saath bhi rehna..!

Yahaan to shokhiyon ko apni zebaaii se matlab hai,
Lahu main bhi machalna aur hina ke saath bhi rehna..!

Ajab rang-e-ta’aluq hai mohabbat ka mere dil se,
Keh us ko torna bhi aur sada kay saath bhi rehna..!

Haram aur dair sab naqsh-e-mohabbat hain, to dil ko hai,
Khad-o-khaal- e-butaan main bhi, khuda ke saath bhi rehna..!!

Author: ShineMagic

Leave a Reply

Your email address will not be published.