Meri Mazaar Pe Aana Tum

From:- Mohd Anwar

Meri mazaar pe aana tum ek pal ke liye,
Mere ghar ko bhi sajaana tum ek pal ke liye..!

Yahin banaunga zannat mai do zahano ki,
Gareebkhane me aana tum ek pal k liye..!

Kahin kho jayenge andhere umr bhar ke liye,
Charag dil ka jalana tum ek pal ke liye..!

Kai baras se pada hu mai qaidkhane me,
Rihaai mujhko dilana tum ek pal ke liye..!

Har ek pal me ho shaamil pyar sadiyon ka,
Ek aisi shaam ko lana tum ek pal ke liye..!

Tadap raha hu tanhaai me ek jamane se,
Mujhe gale se lagana tum ek pal ke liye..!

Tujhe samjhunga sajan apna mai sada k liye,
Mujhe mehboob banana tum ek pal ke liye !!

If you like this shayari, Please like and share on Facebook

 
   

Please Like MailShayari on Facebook

Mail Shayari on Facebook

Leave a Reply