Aik Aiyna

From:- Sikandar Khan

Kehne Ko Aik Aiyna Toota Bikher Geya,
Lekin Mere Wajood Ko Kirchiyon Se Bhar Geya..!

Main To Kisi Khiyal K Tanha Safar Mein Tha,
Phir Kiun Laga” Qareeb Se Koi Guzar Geya..!

Ik Aashna Se Dard Ne Chonka Diya Mujhe,
Main To Samajh Raha Tha Mera Zakham Bhar Geya..!

Shayed Keh Intzaar Esi Pal Ka Tha Use,
Meri Kashti K Doobty He Woh Dariya Utar Gaya..!

Muddat Se Jis Ki Chhaon Mein Betha Nahin Koi,
Woh Saya’daar Pairr Esi Gham Mein Mar Geya..!

Shayed Tamaam Nisbatein Us Ko Mujhi Se Thin,
Apni Har Aik Yaad Mere Naam Kar Geya..!

Ik Aor Shaam Dhal Gayie Sochon K Dasht Mein,
Ik Aor Din Bhi Khaak Uraty Guzar Gaya..!

Mere He Saath” SHAAD” Safar Khatam Ho Geya,
Main Ruk Geya Jahan” Wahin Raasta Thehar Geya !

If you like this shayari, Please like and share on Facebook

 
   

Please Like MailShayari on Facebook

Mail Shayari on Facebook

Leave a Reply