From:- Mohd Anwar

Jo rehtay hain sada dil mein unhein dhoonda nahi kerte,
Jo bass jate hain saanson mein unhain socha nahi kertay..

Baharon ke ghane saye mein halki si chubhan bhi hai,
Gamon ki dhoop ka tum se mager shikva nahi kerte..!

Nahi aate kabhi bhi lout ker guzre hue maosam,
Baraste badlon ki aas mein tarsa nahi karte..!

Tajasus aur berhta hai machal jatay hain sun ker hum,
Achanak piyar ki baton ka rukh mora nahi kertay..!

Teri nazer e inayat say huay jatay hain jo ghayal,
Unhain qatil nigahoon say kabhi dekha nahi kertay…!!