Baarish Shayari

From:- Aaron Gill
Main barish me bheegta un hasin lamho ko yaad karta hu,
Paani ki bundo ki tarah unme kho jana chahta hu…

Jin dosto ke sath kabhi haste to kabhi lda karte the,
Aaj unhi ka saath paane ko tarasta hu…

Ek pyari si muskurahat hotho par aati hai aur ye aakhen nam ho jati hai…
Un yaado ko sametne ki har pal koshish karta hu,
Lekin aaj khud ko akela dekh tham sa jata hu…

Shayad apne lakshya ko bada samjh use
Hasil karne me itna kho chuke hai,
Sirf khud me khud ko hi mehsus kar rhe
Aur dosto ka haal tak puchna bhul gaye hai…

Jis dosti ko aaj hona tha ek pakka rishta,
Aaj use na jane kyun bojh samjh sirf ghasit rhe hai…

Kash sab waisa hi rehta waise hi haste,
Aur choti choti baat par ldte…

Un yaado ko phir main ji nhi pa rha hu,
Aaj isi baat ka afsos mna rha hu…

Is barish ne kum aankho ne mujhe bhigaya hai,
Dosti me khud ko na bheega ska isliye aaj
Main barish me khada aasuon se bheeg rha hu…

Author: ShineMagic

Leave a Reply

Your email address will not be published.