Woh Zamana Zaroor Aayega

From:- Saba Sagar
Aadmi aadmi ko ulfat se
Apne sene se lagaey ga
Khatm ho gi yeh bhukh bimari
Ho gi ek dusare ki ghamkari
Jurm kahlaey gi dil azari
Har taraf pyar muskaraey ga
Woh zamana zaroor aey ga

Zindagi kis qader haseen ho gi
Jab koi dushmani naheen ho gi
Aadmi ki yehi zameen ho gi
Rashk_e_janat jise banaye ga
Woh zamana zaroor aey ga

Ho ga har ek dard ka darmaan
Hoongi har ek ki mushkaleen aasan
Aey ga waqt jab k insaan
Apni taqdeer khud banaey ga
Woh zamana zaroor aey ga

If you like this shayari, Please like and share on Facebook

 
   

Please Like MailShayari on Facebook

Mail Shayari on Facebook

Leave a Reply