From:- Saba Sagar

Taqdeer ke hathon me khilona hai aadmi,
Duniya hai tamashaii tamasha hai aadmi…!

Ghum hai kisi ko mera na tera malal hai,
Har kisi ko apni fikar hai apna khayal hai…!

Is pataron ki duniya main jina muhaal hai,
Hallat ke sitam ka nishana hai aadmi…!

Aankhon main khuwab Jab bhi khushi ke sajaye hain,
Ghum hi har aik gareeb ke hisse main aaye hain…!

Ae dil gilah na kar yahan apne paraye hain,
Rishtoon ke is hajuum main tanha hai aadmi !!