Paigaam

From:- Vinod

Tu Ne Nazroun Se Mujhe Jab Koi Paigham Diya,
Mein Ne Ek Farz Samajh Kar Usse Anjaam Diya..!

Tera Har Zulm Hans Ke Gawarah Mein Ne Kiya,
Bewafai Ka Mujhe Phir Bhi Tu Ilzam Diya..!

Tere Dil Me Bhi Hai Chahat Meri Aaye Jaan-E-Wafa,
Teri Aankhoun Ne Mere Dil Ko Yeh Paigham Diya..!

Ishq Me Logoun Ne Kiya Kya Naa Kaha Mujh Ko,
Karke Badnaam Mujhe Khoob Yeh Inaam Diya..!

Rah-E-Ulfat Me Bhatkna Tera Manzoor Naa Tha,
Mein Ne Manzil Ka Pata Tujhe Subha Wa Shaam Diya..!

Gardish-E-Waqt Ne Kis Darja Sataya Mujhko,
Zindagi Tu Ne Kabhi Chain Naa Aaaram Diya..!

Log Hairat Se Mujhko Takne Lage Hain,
Uss Ne Paigham-E-Mohabbat Jo Sar-E-Aam Diya !!

Author: ShineMagic

Leave a Reply

Your email address will not be published.