Kiya Jete Kiya Haar Gaye

From:- Saba Sagar

Duniya ko ab kiya samjhayeen,
Kiya jete kiya haar gaye..!
Dukh to yehi hay jeet k bhi ham,
Sab kuch apna haar gaye..!

Apne bhi apne naheen rahte,
Begane ban jate hain..
Saya bhi hat jata hay,
Jab gham k zamane ate hain..!
Duniya se kiya shikwa jab ham,
Apni duniya haar gaye..!

Un ko kho kar yun jena,
Ek zaher hay lekin pe leen ge..
Ek ek kar k sab se bichare,
Phir bhi akale jee leen ge..
Kis kis ko ab yaad kareen ham,
Jane kiya kiya haar gaye !!

If you like this shayari, Please like and share on Facebook

 
   

Please Like MailShayari on Facebook

Mail Shayari on Facebook

Leave a Reply