From:- Saba Sagar
Ishq mujhko nahin wehshat hi sahi,
Meri wehshat teri shohrat hi sahi..!

Qataa kieje na talluq hum se,
Kuchh nahin hai to adaawat hi sahi..!

Mere hone main hai kya ruswaai,
Ye woh majlis nahin khalwat hi sahi..!

Hum bhi dushman to nahin hain apne,
GHAIR ko tujh se mohabbat hi sahi..!

Apni hasti hi se ho jo kuchh ho,
Aagahi gar nahin ghaflat hi sahi..!

Hum koi tarq-e-wafaa karte hain,
Na sahi ISHQ… museebat hi sahi..!

Kuchh to de ai falak-e-na-insaaf,
Aah-o-fariyaad ki rukhsat hi sahi..!

Yaar se chhedaa chali jaaye “Asad”,
Gar nahin wasl to hasrat hi sahi……!!!