Guzarish

From:- Sikandar Khan

Tumahin Jana ijazat Hai….!
Keh in Tareek Raahon Par..
Thakaan Si Khud Mein Pao To,
Andheron Se Kabhi Dil Dhol Jay To,
Thak Si Jao To..

Mere Jalty Huy Lamhon..
Mere Kangaal Haathon Se Chhura K Apny Hath Ko,
Fiza Ki Nagmagi Se Tum Nay Geeton Ko Chunn Lena..
Haseen Plkon Ki Nokon Par Nay Kuchh Khuwab Bunn Lena..!

Koi Agar Poochh Le Mera To Us Se Zikar Nahi Karna,
Mere Jivan Ki Jalti Dopehr Se Be-Garaz Ho Kar..
Tum Apni Chandni Raton Mein Jugnu Paalti Rehna..
Meri Tahaiyon Ki Wehshat Ki Fikar Mat Karna..!
Tumhain ijazat Hai..

Mere Sab Khat Jala Dena,
Mere Tohfon Ko Darya Mein Bahana Ya Daba Dena,
Meri Har Yaad Ko Dil Se Khurchna Aor Mita Dena..!
Tumhain Bilkul ijazat Hai !

Magar !
Bas itni Guzarish Hai,
Agar Aysa Na Ho Janaa,
To Achha Hai !

Author: ShineMagic

Leave a Reply

Your email address will not be published.