Pagal Si Larki

From:- Sikandar Khan

Ajab Pagal Si Larki Hai,
Muje Har Khat Mein Likhti Hai..
Muje Tum Yaad Karty Ho ?
Tumhain Main Yaad Aati Hoon ?
Meri Batain Satati Hain,
Meri Neendain Jagati Hain..!

Meri Ankhain Rulati Hain,
Disambhar Ki Sunehri Dhoop Mein Ab Bhi Tehlty Ho,
Kisi Khamosh Rasty Se Koi Awaz Aati Hai ?

Thitharti Sard Raton Mein Tum Ab Bhi Chhat Pe Jaty Ho ?
Falak K Sab Sitaron Ko Meri Batain Sunaty Ho ?
Kitabon Se Tumhary Ishaq Mein Koi Kami Aie ?
Ya Meri Yaad Ki Shidat Se Aankhon Mein Nami Aie ?

Ary Ajab Pagal Si Larki Hai,
Muje Har Khat Mein Likhti Hai !
Aor
Jawabann Us Ko Likhta Hoon..
Meri Masroofiyat Dekho..
Sehar Se Shaam Office Mein Chirag-E-Umar Jalta Hai,
Phhir Es K Baad Dunia Ki Kaie Mujbooriyan
Paon Mein Beriyan Daal Rakhi Hain!

Muje Be-fikar Chaht Se Bhary Sapny Nahi Dikhte,
Tehlny ” Jagny ” Rony Ki Fursat He Nahi Milti..
Sitaron Se Arsa Hua Naraz Hoon Shayd !

Kitabon Se Sharaf Mera,
Abhi Wesy He Qaim Hai..
Bas Ab Itna Hua Hai,
Main..
Inhain Arsy Mein Parta Hoon..!

Tumhain Kis Ne Kaha Pagli,
Tumhain Main Yaad Karta Hoon….. !
Keh ” Main Khud Ko Bhulany Ki Muslsal Justju Mein Hoon,
Tumhain Na Yaad Aany Ki Muslasal Justju Mein Hoon..

Magar Ye Justju Meri Bohat Nakam Rehti Hai,
Mere Din Raat Mein Ab Bhi..
Tumhari Shaam Rehti Hai..
Mere Lafzon Ki Har Mala Tumhary Naam Rehti Hai !

Tumhain Kis Ne Kaha Pagli,
Muje Tum Yaad Aati Ho..
Purani Baat Hai Jo Log Aksar Gungunaty Hain..!

Unhain Hum Yaad Karty Hain,
Jinhain Hum Bhool Jaty Hain !

Ajab Pagal Si Larki Ho,
Meri Masroofiyat Dekho..
Tumhain Dil Se Bhulaon To,
Tumhari Yaad Aay Na..
Tumhain Dil Se Bhulany Ki Muje Fursat Nahi Milti..
Aor Es Masroof Jivan Mein..
Tuhary Khat Ka Ek Jumla..!

Tumhain Main Yaad Aati Hoon ?

Meri Chahat Ki Shidat Mein Kami Hony Nahi Deta,
Bohat Ratain Jagata Hai..
Muje Sony Nahi Deta..
So Agli Baar..

Apny Khat Mein Ye Jumla Nahi Likhna

Ajab Pagal Si Larki Hai,
Muje Phhir Bhi Yahi Kehti..
Muje Tum Yaad Karty Ho..
Tumhain Main Yaad Aati Hoon ?

Ajab Pagal Si Larki Hai !

If you like this shayari, Please like and share on Facebook

 
   

Please Like MailShayari on Facebook

Mail Shayari on Facebook

Leave a Reply