Pagal Larki

From:- Mr Virgo

Pagal Aankhon Wali Larki!
Itnay Mehangay Khawab Na Dekho –
Thak Jao Gi !!
Kanch Say Nazuk Khawab Tumharay
Toot Gaye To Pachta-O Gi !!

Tum Kiya Jano ?
Khawab , Safar Ki Dhoop Kay Teeshay
Khawab , Adhoori Raat Ka Dozakh
Khawab , Khayalo.N Ka Pachtawa
Khawabon Ki Manzil Ruswai !
Khawabon Ka Hasil Tanhai !!
Tum Kiya Jano?

Mehangay Khawab Khareedna Hon To
Aankahein Baichna Parti Hain —Ya
Rishtay Bhoolnay Partay Hain
Andeshon Ki Rait Na Phanko
Piyas Ki Oat Sarab Na Dekho
Itnay Mehangay Khawab Na Dekho !!
Thak Jao Gi !!

Pagal Aankhonn Wali Larki,
Itnay Mahangay Khwab Na Daikho…

Author: ShineMagic

Leave a Reply

Your email address will not be published.