Tera Intzaar

From:- Sikandar Khan

Bila Jawaz Rakhain Khud Ko Be-Qaraar Bhi Kiun,
Jo Tu Nahi Hai To Phir Tera intzaar Bhi Kiun..!

Akelepan Ka Safar Jab Mera Muqadar Hai,
To Phir Ay Waada Shikan Teri Rehguzaar Bhi Kiun..!

Usy Ganwa K Raho Ab Khizaon Ki Zadd Mein,
Jo Wo Nahi Hai To Phir Mausam-E-Bahaar Bhi Kiun..!

Agar Bhulaye Huye Us Ko Aik Umar Hui,
To Phir Yeh Aaj Tabiyat Hai Sogwaar Bhi Kiun..!

Wo Jin Labon Pe Yaqeene-E-wafa Mehaka Na Saky,
Phir Un K Lams Ki Khuahish Ho Aik Baar Bhi Kiun..!

Jab Us Ko Shauq Tha Raston Ki Dhool Hony Ka,
Palat Ke Dekhta Jaata Tha Baar Baar Bhi Kiun ? !

If you like this shayari, Please like and share on Facebook

 
   

Please Like MailShayari on Facebook

Mail Shayari on Facebook

Leave a Reply